Sapin sa aking paa

May kahabaan na din ang mga panahon na ang aking mga munting paa ay nag palibot-libot upang maghanap ng kanlungan, at sa kanyang walang kapagurang pagliliwaliw at nakasumpong ng isang mabuting kanlungan. Sa GaLa nya natagpuan ang kapahingahan at kaukulang pag pansin sa pagal at sugatang talampakan. Salamat at me tsinelas na sa aking munting talampakan ay muling sasalo sa mga tinik at bubog na sa malawag na daanan ay nagkalat.

Ang aking munting paa, nag papasalamat sa sapin na dulot ng sinelas. Kung ang puso mo ay maantig, nawa'y sana maging daan ka din ng pag papala sa aming mga munting paa - sinelas para sa aking paa.

Salamat Po!

Di ba isang napaka gandang tanawin na makita sa mura nila edad at sa simpleng kaisipan ay marunung silang magpasalamat sa tunay nilang AMA na nag bibigay ng kanilang pangangailangan. Sila ay mga batang GALA, mga batang nasa kanlungan ng GAbay ng LAndas.

Sa gilid ng bahay kubo ni Juan

Makalipas ang mga araw pagkatapos ng pananalansa ni Ondoy, sa bandang likuran ng Bahay Kubo ni Juan ay may malaking soler na hindi pa na i papasailalim ng subdibisyon. Ito ang ginagawang pananiman pag tag-araw at maliit na palaisadaan kapag tag-ulan. Ang mga batang ito na dapat sana ay nasa paaralan subalit sila ay napipilitan tumulong sa kanilang mga magulang na mag hanap ng kanilang isusubo sa pang araw-araw. Subalit sa kabila nito ay makikita ang kasayahan sa tamis ng ngiti na namumutawi sa kanilang mga labi.

Mga Kababayan ni Juan

Sa kabundukan ng Sierra Madre na kaya lamang marating ng pag lalakad ng humigit kumulang sa apat na oras, ang mga katutubong Dumagat ay piniling manirahan at ipag patulo ang pamumuhay ng may katahimikan, kapayapaan, karangyaan ng kalikasan, at kalinisan ng kapaligiran. Salat sa makabagong yaman at mga kaginhawan nga bang matatawag na dala ng pag-unlad, matahimik at masayang namumuhay ang mga Dumagat. Kapos man sa kaalaman dahit na din sa walang paaralan at guro na maka pag silbi sa kanilang pangangailangang edukasyonal, mayaman naman sa sila sa mga natatanging pagkatao na umiikot sa pagiging mapagpakumbaba, makatao, at mapag mahal ng kapwa.